Antxoak sagardotan marinatuta arto-ogiaren eta alga-alioliaren gainean

Antxoak garbituko ditugu, pieza bakoitza esku-azpiarekin leunki eutsiz, sabelaldea goraka dutela. Aldi berean, hatz erakuslearekin eta hatz lodiarekin antxoaren burua zanpatu eta kontuz tira egiten diogu, kokotetik askatzean tripak berekin eraman ditzan. Ur hotzetan garbitu (odola kentzeko) eta bakoitza sukaldeko paper xurgatzailearekin garbituko dugu. Ilaratan juntu jarriko ditugu geruza bakarrean eta izozteko poltsetan sartuko ditugu 48 orduz. Kristalezko ontzi zabal batean nahastuko dugu sagardoa, sagar-zuku pixka batekin, limoi-zukuarekin, cayenne piperrarekin eta ozpinarekin, marinatuaren barruan gera daitezen guztiz. Utziko dugu pausatzen hozkailuan 1 ordu, ontzia itxita paper gardeneko lamina batekin. Mahaian aurkezteko, antxoak marinatutik aterako ditugu, gatz finarekin eta perrexil fresko txikituarekin hautseztatu eta oliba.-olio birjina estra botako dizkiegu. Arto-ogi xerra bat jarriko dugu zartaginean doi xigortua, ogi-xerraren gainean alga-maionesa ukitu bat, tipulin zerrenda karamelizatu bat eta azkenik antxoa marinatua. Alga-maionesa: Burruntzali batean ur gazitan egosiko ditugu minutu batez alga-hosto lehortu batzuk, errehidratatu arte; aterako ditugu eta xukatuko ditugu. Irabiagailu ontzi batean algak jarriko ditugu, zurrustatxo bat lima-zuku, jengibre ukitu bat, zurrustatxo bat esne eta irabiatuko dugu emultsionatu arte, poliki-poliki gehituko diogu ekilore-olioa eta zurrustatxo bat oliba-olio birjina estra, irabiatuko dugu alga-maionesa gure gustura egin arte, emango diogu gatz-puntua eta prest izango da zerbitzatzeko.