Orburu loreak labean romesko saltsarekin

Prestatu romesko saltsa aldez aurretik.Jarri ñorak beratzen eta biguntzen direnean,, atera eta gorde haien haragia.  Erre tomateak eta baratxuriak labean, oliba-olio zurrutada batekin, 200 gradutan (beroa goitik eta behetik emanez). Atera labetik 20 bat minuturen buruan, utzi hozten eta zuritu tomateak eta baratxuriak.   Txigortu hurrak eta almendrak zartagin batean. Birrindu eta gorde.  Birrindu tomateak, baratxuriak, ñora-haragia, ogi txigortuaren xerra, hurrak eta almendrak, saltsa leun eta trinko bat lortu arte. Erantsi piperrauts gozoa, piperrauts mina, gatza eta ozpina eta birrindu osagai guztiak integratu arte.  Irabiagailuaren motorra martxan dagoela, erantsi olio-zurrutada bat saltsa emultsionatzeko. Erantsi saltsak behar bezainbeste olio. Azkenik, dastatu eta beharrezkoa bada, erantsi gatz, ozpin edo piperrauts apur bat, eta saltsa trinkotu nahi izanez gero, ogi txigortu gehiago.  Orburuak prestatzeko, berotu labea 180 gradutan goitik eta behetik.  Garbitu orburuak. Horretarako, moztu orburuen muturra (gehiegi mozteko beldurrik gabe), kendu kanpoko hostoen geruza pare bat kolore argiagoa dutenetara iritsi arte eta moztu zurtoina. Modu horretan, oinarri lau bat lortu eta erraz zerbitzatu ahal izango dituzu.Igurtzi orburuak limoiarekin, herdoildu ez daitezen.Jarri ireki duzun zatia mahaiaren kontra eta egin presio gogorra hostoak lore baten formarekin ireki daitezen. Sartu erretilua labean, bota gatza eta piperra, eta busti oliba-olio birjina estraren zurrutada batekin.  Laberatu 20 minutuz, orburuak samurtu arte.  Zerbitzatu romesko saltsarekin batera.