Ensaladas de tomate, melocotón e cogombro con aliño de conservas en vinagre

O tomate é unha hortaliza rica en vitaminas, minerais e outras substancias con funcións antioxidantes coma o licopeno, que é o pigmento que lle dá a cor vermella. Nesta receita, o tomate comparte protagonismo co cogombro, caracterizado polo seu escaso valor enerxético dada a súa abundancia de auga; e co melocotón, froita de tempada, e neste mes salienta o melocotón de Calanda. Polo tanto, segundo os seus ingredientes e as propiedades nutritivas de todos eles, é un prato refrescante, saboroso, baixo en calorías e moi nutritivo, especialmente indicado para os meses estivais. E ademais resulta moi orixinal polo seu aliño a base de conservas en vinagre.