Txerri-azpizun broxetak Shitake perretxikoekin

Baratxuri alea birrindu eta soja saltsa eta oliba-olio birjina estrarekin nahasi. Nahasketa honekin, zati erregularretan moztutako azpizuna igurtziko dugu. Azpizun zatiak burruntzian sartu, horien artean perretxiko txiki edo zati bat tartekatuz. Zartagin itsasgaitz batean, broxetak era uniformean erre, bueltak emanez eta beren azalera guztia ondo eginez. Broxetak Golden eta errege-sagarrekin egindako konpota batekin lagunduko ditugu. Konpota egiteko, sagarrak zuritu eta haziak kendu, zatitu eta egosi, lau koilarakada uretan. Gero, nahasketa hori kazola batean prestatu, estalkia jarrita eta su geldoan, pure bat osatu arte. Ukitu azidoa emateko, konpotari limoi-zuku tanta batzuk gehi diezaiokegu. Dena bero-bero zerbitzatu, sutik kendu eta berehala, eta konpota eta broxetak perrexilez hautseztatu.