Labea 180 ºC-tan berotzen jarri. Patatak zuritu eta lodiera ertaineko xafletan ebaki. Garbitu, xurgatu eta gatzatu. Zartagin batean frijitu apur bat samurtu arte. Bakailao-trontzoak gatzatu, irineztatu eta zartaginean su ertainean frijitu, urre-kolorea hartu arte. Ogi-xerrak frijitu eta gorde. Baratxuriak zuritu, lau zatitan moztu eta almaizean gehitu arbendolekin, perrexilarekin eta ogi-xerra frijituekin batera. Xehatu, ore homogeneoa lortu arte. Gorde. Tipula zuritu eta kubo txikietan ebaki.  Oliba-olioa zartagin batera bota eta tipula su ertainean frijitu, urre-kolorea hartu arte. Ardoa gehitu, eta beste 5 minutuz egin. Xehetua tipulei gehitu eta egin eragiteari utzi gabe hiruzpalau minutuz. Laberatzeko erretilu batean patatak ipini, bakailao-trontzoak gehitu eta haien gainean prestaturiko hornidura ipini.  15 minutuz labean erre. Perrexil xehatu apur batekin hautseztatuta zerbitzatu.