Irina legamia kimikoarekin eta gatzarekin bahetu kaiku batera.  Erdian, zulo bat egin, arrautza eta esnea gehitu, eta ore homogeneoa eta pikorrik gabea lortu arte irabiatu. Film gardenarekin estali eta utzi egonean ordubete. Zartagin bat olio apur batekin berotu, bi koilarakada tontor ore gehitu banan-banan, bata bestetik bereizita, eta eduki sutan burbuilak ikusi arte. Eman buelta eta mantendu sutan beste minutu batez edo apur bat urre kolorea hartu arte. Platera muntatzea Zerbitzatzeko, bliniak busti krema garratz apur batekin, izokin ketuarekin, piperbeltz pitin batekin eta tipulin fresko apur batekin.