Arkume-saiheski konfitatuak barbakoa-saltsarekin

Saiheskiak edo txuletak labean konfitatzeko: Zuritu eta garbitu patatak. Xerra loditan moztu. Estali labeko erretilua oliba-olio birjina estrarekin. Ipini erretiluan saiheskiak edo txuletak, eta inguruan patatak. Bota gatza, piperra eta baratxuri-hautsa. Koipeztatu saiheski edo txuletak eta patatak ere oliba-olio birjina estrarekin. Egin labean 130ºC-an, gutxi gorabehera 2 orduz. Samur daudela egiaztatu. Barbakoa-saltsarako: Xehe-xehe (brunoise erara) moztu baratxuria eta tipula. Zartagin batean erregosi oliba-olio zurrusta txiki batekin (5 minutu inguru). Azukre maskabatua gehitu, eta utzi karamelizatu arte (5 minutu inguru). Bota gainerako osagaiak: ketchupa, tomate-saltsa, Perrins saltsa, soja-saltsa (gatz gutxikoa), sagar-ozpina, ziapea, eztia eta piperbeltza nahierara. Erregosi 15 minutuz, edo saltsa loditu arte, eta ondoren birrindu. Amaitzeko eta aurkezteko: Banan-banan barbakoa-saltsarekin margotu saiheskiak edo txuletak, eta gratinatu gutxi gorabehera 5 minutuz (250ºC). Labetik atera, irauli saiheskiak eta berriz margotu barbakoa-saltsarekin. Gratinatu gutxi gorabehera beste 5 minutuz, eta zerbitzatzeko prest egongo dira. Zerbitzatu platerean patata-xerra batzuekin eta balerianela batzuekin, osagarri gisa. (Balerianelak nahierara gatzozpindu daitezke).