Arroz saldatsua abakando eta berberetxoekin

Zatitu abakandoa. Banandu burua isatsetik. Moztu burua bi zatitan goitik behera eta isatsa xerratan. Gorde. Jarri paella suan Olio zorrotada batekin, gehitu baratxuria eta gorritu baino lehen erantsi tipula eta piperrak. Utzisu ertainean 10 minutuz, gutxi gora behera. Sueztitzen direnean, gehitu tomate arraspatua eta utzi suan saltsa loditxo antzeko bat lortu arte. Gehitu abakandoaren burua barnealdea paellaren hondoa ukitzen duelarik eta utzi txigortzen. (halakorik erabiltzen ez baduzu, urrats hau ez da beharrezkoa izango) Erantsi piperrautsa kontu handiz, erre ez dadin. Bota brandy zorrotada bat eta itxaron alkohola lurrundu arte. Gehitu arroza eta irabiatu minutu pare batez, paellaren hondoan dauden zapore guztiak har ditzan. Gehitu salda beroa eta banatu ondo arroz guztia. Gatza gehitzeko ordua heldu da, baina erne ibili, itsaskiak dezente gazitzen du eta. Salda irakiten hasi orduko, jaitsi sua eta utzi 15-18 minutuz su ertainean. Arroza prest egoteko 5 minutu falta direnean, gehitu abakandoaren isatsa (zatituta), hankak eta berberetxoak. Arroza oraindik prest ez dagoela eta salda ia agortuta dagoela ikusten baduzu, erantsi salda bero pixka bat gehiago. Arroza bere puntuan dagoenean, estali trapu batekin minutu pare batez eta zerbitzatu berehala txakoli on batekin.