Berotu labea 200 gradutan goitik eta behetik.  Garbitu eta ireki antxoak liburu formarekin, erdiko hezurra kenduta.  Chermoula saltsa prestatzeko, nahastu osagai guztiak almaiz edo xehatzeko makina batean ore bat lortu arte.  Olio apur batekin koipeztatutako laberako erretilu batean, jarri antxoa bat (irekita eta azala behera), erantsi koilarakada bat chermoula eta jarri beste antxoa bat gainean (azala gora). Egin gauza bera gainerako antxoekin, bata bestearen ondoan jarrita.  Erantsi erditik irekitako tomatea eta xerratan moztutako limoi freskoa erretilura eta antxoen gainetik, bota soberan geratu den Chermoula saltsa.  Laberatu 10-15 minutuz, antxoak prest dauden arte. Egon adi pasatu ez daitezen; bestela, lehortu egingo dira.  Zerbitzatzeko, hautseztatu martorri apur bat gainetik eta lagundu olibekin eta limoiarekin.