Ziropa soil bat prestatuko dugu, horretarako, ura eta azukrea jarriko ditugu irakiten ontzi batean. Bor-bor hasten denean, su baxuan jarriko dugu eta beste bi minutuz utziko dugu egosten. Sutatik kendu eta erabat hozten utziko dugu. Zukua eta ziropa erdia nahasiko ditugu eta hozten utziko ditugu. Jogurta nahasiko dugu beste erdiarekin eta hozten utziko dugu. Poloaren moldeak beteko ditugu; zukua eta jogurta txandaka botako ditugu moldea betetzeko eta izozkailuan sartuko ditugu 24 orduz, hartu aurretik. Poloak egiteko molderik ez badugu, plastikozko edalontziak erabili daitezke eta poloak izozkailuan denbora apur bat daramanean sartuko dugu poloaren makilatxoa, ongi finkatu dadin. Moldeak silikonazkoak badira, berehala atera ahal izango dira poloak moldeetatik, baina plastikozko edalontziak edo moldeak erabili baditug, minutu batez zain egon beharko gara, moldetik hobeto aterako delako poloa orduan. Nahi baduzu, azukrerik gabe egin ditzakezu poloak, oso goxoak izango dira, baina zukuaren zatia gogorrago geratuko da eta jogurtarena ez da hain krematsua izango. Egin beste zapore batzuetako poloak ere, horretarako, beste zuku batzuk erabili behar dira: ananarena, mahatsarena, laranjarena...