Hiru entsalada goxo eta osasuntsu

Eskarola-entsalada: Garbitu eta xukatu eskarola. Zatitu mangoa dadotan. Zatitu tipula juliana finean. Zatitu intxaurrak. Koipeztatu apur bat zartagina oliba-olio birjin estrarekin eta gorritu almendrak. Aurkezpena: jarri oinarri bezala eskarola, gehitu tipula, ahabiak, mugurdiak, mangoak, intxaurrak, almendrak eta Mozzarella zati txikietan. Gozatu oliba-olio birjin estrarekin, ozpinarekin eta Maldon gatzarekin. Haritz-hostoko letxuga-entsalada: Garbitu eta xukatu haritz-hostoko letxuga. Zatitu ahuakatea xaflatan. Galdarraztatu pistatxo zurituak minutu batez edo gutxiagoz eta sartu ur hotzetan, egosketa mozteko. Atera uretatik eta horrela erraz kenduko zaie azala. Egin ozpin-olioa oliba-olio birjin estrarekin, limoiarekin (ahuakatearentzako antioxidatzaile gisa balio du) eta Maldon gatza. Aurkezpena: jarri oinarri gisa haritz-hostoko letxuga eta errukula erdian. Errukularen inguruan gehitu azenario arraspatua, pistatxoak, muskuiluak eta ahuakatea. Gozatu olio-ozpinarekin. Batavia letxuga-entsalada: Garbitu eta xukatu Batavia letxuga eta moztu juliana-eran. Zatitu erditik Cherry tomateak. Koipeztatu apur bat zartagina oliba-olio birjin estrarekin eta gorritu pinaziak. Zatitu ahuntz-gazta 1,5 cm-ko xerratan. Koipeztatu apur bat zartagina oliba-olio birjin estrarekin eta gorritu. Aurkezpena: Jarri oinarri gisa Batavia letxuga. Gehitu Cherry tomateak, kinoa, fruta deshidratatuak, haziak, pinaziak eta ahuntz-gazta. Gozatu oliba-olio birjin estrarekin, krema baltsamikoarekin eta Maldon gatzarekin.