Berotu labea 200 gradutan Garbitu eta moztu kuiatxoa xaflatan. Jarri xaflak erretilu batean gatzarekin eta utzi jalkitzen 15 minutuz. Kendu gatza, xukatu eta lehortu paper xurgatzailearekin. Gorde geroko.  Oliba-olio apur batekin koipeztatutako zartagin batean, erre tipula garden dagoela ikusi arte. Erantsi kubotan moztutako azenarioa eta apioa eta sueztitu 4 minutuz. Gehitu haragi xehatua, gatza eta piperbeltza eta utzi su ertainean beste 10 minutuz, haragiak kolorea hartzen hasi arte. Erantsi tomate xehatua eta albaka eta utzi sueztitzen 15 minutuz.   Bexamela prestatzeko, jarri gurina kazola batean eta urtu su ertainean. Gehitu irina eta eragin hagaxka batzuekin integratu arte. Erantsi esne epela eta jarraitu eragiten nahasketa loditu arte. Bota piperbeltza eta gatza eta integratu.   Koipeztatu laberako erretilu bat olio apur batekin.   Jarri kuiatxo-geruza bat, estali haragi xehatuarekin, erantsi gaztanberaren erdia, estali bexamelaren parte batekin eta errepikatu prozesua. Azkenik, jarri mozzarella gazta gainetik.  Laberatu 30 minutuz. Utzi jalkitzen 10 minutuz zerbitzatu aurretik.