Meloizko lassia

Errezeta hau prestatzeko komenigarria da meloia, jogurta eta esnea oso hotz egotea, ia-ia izoztuta. Irabiagailurako ontzi handi batean jogurta, esnea, mendafin-hostoak, zitronela-zurtoin bat, lima-birrindura apur bat eta bere zukua (koilarakadatxo bi) eta jengibrea nahastuko ditugu. Dena ondo txikitu behar dugu krema suabe eta homogeneoa osatu arte. Ondoren nahasketa dastatu egingo dugu eta, beharrezkoa balitz, ukitu gozoa edo krematsua eman ahal diogu, esne hotza edo azukre pixka bat gehituz. Kopa batean zerbitzatuko dugu, mendafin-hosto batzuk eta meloi zatitxoekin.