Oilasko eta barazki bolak

Berotu labea 180 gradutan goitik eta behetik.  Txikitu oilasko-paparra birringailuan ore bat lortu arte.  Txikitu tipulina, baratxuria eta azenarioa, eta jarri dena sueztitzen gatzarekin eta 2 koilarakada oliba-olio birjina estrarekin. Barazkiak bigundu orduko, atera sutatik eta itxaron epel dauden arte. Orduan, erantsi espeziak, birrindutako oilasko-paparra eta arrautza (eta baita sagar arraspatua ere, halakorik erabiliz gero). Nahastu ondo eta egin bolatxoak.  Pasatu bolatxoak ogi birrindutan eta eraman laberako erretilu batera.  Laberatu, gutxi gora behera, 20 minutuz.   Tomate-saltsa egiteko jarri olioa, tipula, azenarioa eta tomate xehatua zartagin batean eta utzi su ertainetan 15 minutuz. Atera sutatik, birrindu eta eraman berriz zartaginera.  Erantsi bolak eta utzi epeltzen 4 minutu inguruz