Orburuak eta zainzuriak garbitu eta zuritzea

ORBURUAK Orburuak garbituko ditugu. Ura eta izotza duen bol batean perrexila sartuko dugu, ez daitezen herdoildu. Perrexila zaporerik ematen ez duen antioxidatzaile bat da. Kanpoko hostoak labana batekin kenduko ditugu, eta ondoren eskuz jarraitu dezakegu, orburuaren zati zurienera iritsi arte. Zurtoina eta oinarria torneatuko ditugu, ahal bezain borobil uzteko. Barruko harizpiak bolak ateratzeko koilararekin edo koilaratxo batekin kenduko ditugu. Orburua luzetara ebakiko dugu (zurtoinetik puntaraino), 2 edo 4 zatitan, eta perrexil-uretan sartuko ditugu guztiak amaitu arte. (Soberako hostoak salda edo infusioa egiteko erabil daitezke) ZAINZURIAK Zainzuriak garbitu eta zurituko ditugu. Ebakitzeko taulan jarri eta hariak kenduko dizkiegu, begietan izan ezik, eta hatzekin biratuko ditugu borobiltzeko. Guztiak zurituta ditugunean elkarren ondoan jarriko ditugu, punta guztiak altuera berean daudela, eta zurtoinaren beheko aldea moztuz guztien neurria berdinduko dugu. Zurtoinaren beheko aldea zainzuriak egostean zapore handiagoa emateko erabil daiteke.