Txerri-azpizuna ziapearekin eta eztiarekin

Azpizuna kozinatzeko, labea aurretik berotuko dugu, goitik eta behetik, 180 º-ra. Erretilu batean txerri-azpizuna jarriko dugu. Limoi baten zukua botako diogu eta 10 bat minutuz beratzen utziko dugu. Gatzaz eta piperraz onduko dugu eta 4 aldeetatik gorrituko dugu zartagin batean, oliba-olio birgina estrarekin. Laberako erretilu sakon batean jarriko dugu. Ziapea eta eztia botako dizkiogu. Urdaiazpiko-xerra batzuk jarriko dizkiogu gainetik. 180ºC-ra labekatuko dugu 25 minutuz gutxi gorabehera. Haragia denbora gehiago edo gutxiago kozina daiteke, nahierara. Patata-purearentzat: kazola batean 2 patata oso urez estaliko ditugu, egosteko eta gisatzeko. Ura irakiten jarriko dugu. Ura irakiten hasten denean, 25 minutuz edo labanarekin zulatuta bigunak dauden arte egosiko ditugu. Epeltzen utziko ditugu zuritu aurretik. Azala kendu, moztu eta irabiagailuaren ontzian sartuko ditugu. Gatz pixka bat, piperbeltza nahierara, oliba-olio birjina estra eta esne pixka bat botako dizkiogu. Krema fina lortu arte irabiatuko dugu. Perretxikoentzat: zartagin batera oliba-olio birjina estra eta baratxuri bat txikituta edo brunoise eran botako ditugu. Baratxuria gorritzen hasten denean, perretxikoak botako dizkiogu, eta salteatu egingo ditugu.