Fruituz betetako arkume-hanka eta sagar-konpota

Arkumearen hankari hezurra kentzen zaio, ireki egiten da eta bete egiten da hirugiharra, aranpasak eta perretxikoekin. Perretxikoak aurrez salteatzen dira baratxuri ale batekin eta oliba-olio apur batekin. Ondoren hanka itxi egiten da, biribilkatuaz. Gatza eta piperbeltza bota, txerri-gantzarekin egin eta erretzeko soka berezi batekin lotzen da. Zartagin batean apur bat egingo dugu hanka (risolatu). Hanka handia bada, bi orduz egingo dugu labean 180ºC-an, aldiz, zilindro txikiagoa prestatu baditugu, ordubetean egingo da. Noizik eta behin ur eta ardo zuri pixka bat botako diogu eta berari irteten zaion zukua ere bai. Kanpoaldeak distiratsu eta urre kolorekoa egon behar du, barrutik egin arte. Errege-sagarrekin konpota egiten da aparte. Sagarrak zuritu eta txikitu, bi azukre koilarakada eta olio koilarakada bat, gatz pixka bat eta baso bat ur bota eta su eztian egiten da 30 minutuz (bitsadera batekin apurtu daitezke).