Brise-ore maskor handiak, Euskal Txerri hirugiharra, Idiazabal gazta eta anana

Hirugihar-azala karratuan moztuko dugu; gatzarekin, piperbeltzekin eta nahi dugun espeziarekin igurtziko dugu, salda eta ardo zuri pixka batean busti (azala izan ezik) eta 180 º C-ra labekatuko dugu, 2 orduz. Hirugihar errea labetik atera, zukua iragazi eta loditzen utziko dugu. Zerrendatan moztu eta hozten utziko dugu. Brisa-orea ondo zabaldu eta etxeko tomate-saltsa botako diogu gainetik. Hirugihar-zerrenda fin batzuk eta xukatutako anana naturalaren zatitxo batzuk jarriko dizkiogu, eta, azkenik, Idiazabal gazta birrindua botako diogu. Orea bere baitan bilduko dugu zilindro handi bat eginez, eta hozkailuan sartuko dugu, gero hobeto mozteko. Azkenik, ondo zorroztutako aiztoarekin xerratan moztuko dugu. Brisa-orearen maskor handiak labeko erretiluan jarri eta 180º C-ra labekatuko ditugu, 15-20 minutuz, maskorren gainazala eta Idiazabal gazta gratinatzeko. Hasierako gozo eta dibertigarri hau labetik atera berri zerbitzatuko dugu.