Tipula eta piper gorriak zerrenda finetan eta gari-zainzuri muturrak moztuko ditugu. Wok edo zartagin sakon batean, oliba-olio pixka batekin eta gatzarekin salteatuko ditugu, gainazaletik gorrituta eta barrutik puntu-puntuan geratzeko. Mihi-arrainen xerrak aterako ditugu, hezurrak kenduta. Oliba-olioarekin igurtzi, gatza bota eta ondo berotutako itsaspenaren kontrako zartaginean buelta eta buelta emango diegu, arrain oso delikatua delako. Toki epelean gordeko ditugu. Mihi-arrainak kozinatzeko erabili dugun zartagin berean brounoisse eran (fin-fin) moztutako porruaren zati zuria eta baratxuri-aleak su ertainean frijituko ditugu, koilarakada bat oliorekin. Barazkiak kolorea hartzen hasten direnean (gorritu gabe), arrain-salda, laranja-zukua (zukuan bertan urtutako arto-irinarekin) gatz pixka bat eta tipulin txikitua botako dizkiegu. Saltsa irakiten hasten denean, minutu batez behintzat kozinatzen utziko dugu, su ertainean. Saltsa loditzen hasten denean, iragazi eta mihi-arrainei botako diegu. Barazkiak eta mihi-arraina zerbitzatuko ditugu, hoztu baino lehen.