Izokina plantxan bruselazekin eta laranjaz eta jengibrez ondutako arrozarekin

Jarri bihi osoko arroza beratzen 2 orduz, arinago egosi ahal izateko.  Bota koilarakada bat oliba-olio zartagin batean eta jarri tipulina sueztitzen. Biguntzen denean, erantsi baratxuria eta utzi suan minutu batez. Gehitu arroza eta arin frijitu.Erantsi aldez aurretik berotutako ura eta laranja-zukua, laranjaren birrindurarekin eta jengibre-xerrekin batera. Utzi arroza egosten testura samurra hartu arte.  Zerbitzatu aurretik, kendu jengibre- xerrak. Garbitu eta zatitu erditik bruselazak, kanpoko geruza kenduta.  Egosi bruselaza garbiak lurrunetan 2 minutuz eta xukatu ondo.  Jarri zartagin bat suan oliba-olio birjina estraren koilarakada batekin. Erantsi bruselazak eta frijitu testura samurra hartu arte.  Erantsi soja-saltsa eta sesamo-haziak eta nahastu ondo. Gorde geroko.  Frijitu izokin-trontzoak plantxan oliba-olio birjina estraren hari batekin eta eman gatza eta piperbeltza.  Zerbitzatzeko, egin arroz-ohe bat eta horren gainean, jarri izokin-trontzoak eta bruselazak haien zukuarekin.