Eroski

Atun ogitartekoa, ahuntz gazta, tipula konfitatua eta piperrekin

Name: Atun ogitartekoa, ahuntz gazta, tipula konfitatua eta piperrekin
Total time: 25 min
Yield: 4
Ingredients: 320 g ogi integral; 240 g atun; 2 tipuleta; 200 g pikillo piper gorri; 2 baratxuri ale; 100 g ahuntz-gazta samur; 10 ml oliba-olio; 10 g azukre; Gatz apur bat

0 View visita

Dificultad: Dificultad
Tiempo

Descargar

kcal: 436 22%

Azúcares: 10g 12%

Grasas: 12g 17%

Grasas saturadas: 4g 19%

Sal: 1g 15%

1 de 5 estrellas. Basado en 1 valoraciones

Modo de preparación

Tipuleta eta baratxuri-aleak zuritu eta xafla mehetan moztuko ditugu (juliana eran). Zartagin batean, oliba olio birjina jarri eta tipuleta eta baratxuria erdi egotsiko dugu, gatz apur bat eta azukrearekin. Tipuleta karamelizatu eta gero, iragazki batekin xukatu eta alde batetik tipuleta gordeko dugu eta, bestetik, konfitatuaren olioa. Olio horrekin zartagin berdinean piperrak egingo ditugu, su motelean 15 minutuz. Prest daudenean, xukatu eta tipula karamelizatuarekin batera gordeko ditugu. Opilak ireki eta oinarri gisa pikillo piperrak jarriko ditugu, erditik irekita. Horien gainean, kontserbako atun xukatua, tipula karamelizatua eta, azkenik, ahuntz-gazta txirbil meheak ipiniko ditugu. Labea 200 gradutan jarri eta 5 minutuz sartuko dugu, alde batetik, opil erdia jakiekin, eta bestetik, ogiaren goiko partea, mamia gora begira. 5 minutu pasa ondoren, ogia itxi eta epel zerbitzatuko dugu.

Consejo nutricional

¿Nork ez du noizean behin afari gisa ogitarteko bat nahi? Proposamen hau egun horietarako gomendagarria da erabat, edo hondartza edo mendira bazkaltzera joaten garenerako, hestebete ogitartekoak ordezkatzeko aukera ezin hobea eskaintzen baitigu. Eta otordua menu osasuntsu batekin borobiltzeko, entsalada, gazpatxo, barazki-pure, edo bestelako barazki plater bat gehi diezaiokegu, eta postre gisa fruta bat, ogitartekoak dagoeneko zereala eta esnekia baitu. Zereala, hain zuzen ere, ogian dago, integrala izatean beste onuren artean bitaminak, mineralak eta zuntza ematen diguna, eta esnekia ahuntz-gaztan, proteina apur bat, kaltzioa eta A bitamina eskaintzen diguna. Atunak, aldiz, kalitate handiko proteinak, bihotzerako gantz osasungarria (omega 3), eta hainbat bitamina ematen dizkigu, horien artean kaltzioa ondo asimilatzeko ezinbestekoa den D bitamina, elikagai batzuen gantzean soilik aurkitzen dena eta gure ingurunean defizit arriskuan dagoena, nahiz eta izpi ultramoreen bitartez ere sintetiza daitekeen. Piperra eta tipuletak barazkien onurak eskaintzen dizkigute, zaporea eta urtsutasuna emateaz gain.