Eroski

Babarrun zuriak olagarroarekin

Name: Babarrun zuriak olagarroarekin
Total time: 25 min
Yield: 4
Ingredients: 700 g babarrun zuri egosi; 200 g olagarro egosi; 1 tipuleta; 1 piper berde; 1 azenario; Piperrautsa; Perrexila; 10 ml oliba-olio birjina

0 View visita

Dificultad: Dificultad
Tiempo

Descargar

kcal: 257 13%

Azúcares: 4,6g 5%

Grasas: 1,6g 2%

Grasas saturadas: 0,1g 1%

Sal: 1g 10%

1 de 5 estrellas. Basado en 1 valoraciones

Modo de preparación

Zartagin batean, oliba-olio birjinarekin erregosten jarriko ditugu tipuleta, azenarioa eta piper berdea, kubotxo txikitan zatituta (brounoisse erara). Barazkia egina dagoenean, koilaratxokada piperrauts gehituko diogu, guztia su eztian frijituko dugu kontuz, piperrautsa ez erretzeko, eta babarrun zuri egosiak gehitu ditugu. Segundo batzuez salteatuko dugu, babarrunek zaporea hartzeko. Olagarro egosia xerratan ebaki eta babarrun eta barazki salteatura botako dugu. Perrexil xehea gehitu, eta minutu batzuez zartaginean salteatuko dugu guztia. Ondoren, olagarro-xerratxoak bistan direla zerbitzatuko ditugu babarrunak. Nahi izanez gero, zerbitzatzeko unean oliba-olio birjina estraren zurrustada batekin ondu eta piperrauts gozo apur batekin hautseztatu dezakegu. Bero nahiz hotz zerbitzatu daiteke.

Consejo nutricional

Babarrun zuriak askotariko eltzekoetako osagai nagusia dira, eta karbohidrato konplexu, proteina eta zuntz iturri ona izateaz gain, hainbat bitamina eta mineral ematen dituzte: kaltzioa, burdina, magnesioa, azido folikoa… Era askotako osagaiez lagundu daitezke babarrun zuriak, baina oraingoan olagarroarekin jateko proposamena egiten du errezetak. Olagarroa balio biologiko handiko proteinen iturri ona da eta gainerako itsaskiek baino kolesterol gutxiago du. Babarrun zuriak eta olagarroa piperrautsarekin onduko dira, plateraren zaporea eta aroma indartzeko. Kontserbako babarrunak erabiltzen badira, ez dugu zertan gatzik bota; izan ere, kontserbako urak gatz ugari du eta, horrez gain, piperrautsak ere zaporea emango dio. Hotzean ere kontsumitu daitekeen errezeta bat da; ondorioz, lagungarri handia izan daiteke udan lekaleen kontsumo egokia izateko, sasoi horretan kontsumoa txikitu ohi denez.