Eroski

Roliños de verza recheos de arroz e carne picada

Name: Roliños de verza recheos de arroz e carne picada
Total time: 25 min
Yield: 4
Ingredients: 100 g de verza; 100 g de arroz; 20 ml de aceite de oliva; 200 g de carne de tenreira picada; 1 cebola; 1 cenoria; 2 dentes de allo; 100 ml de viño branco; 100 ml de tomate frito; Perexil; Pementa negra; Un pouco de sal

0 View visita

Dificultad: Dificultad media
Tiempo: De 30 minutos a 1 hora

Descargar

kcal: 254 13%

Azúcares: 3,3g 4%

Grasas: 10g 14%

Grasas saturadas: 3g 17%

Sal: 1g 18%

1 de 5 estrellas. Basado en 1 valoraciones

Modo de preparación

Quentamos o aceite nunha cazola. Agregamos a cenoria e a cebola e salteámolas, de 10 a 12 minutos, ata que se abranden. Incorporamos a carne picada á mestura de verduras e botamos un pouco de sal. Salteamos ata que a carne tome un pouco de cor. Engadimos a salsa de tomate e o viño. Cociñamos a mestura aproximadamente durante 2 minutos, ata que se forme unha salsa espesa. Comprobamos o punto de sal e corriximos se é necesario. Reservamos. Cocemos o arroz, durante 20 minutos, en auga fervendo con sal e unhas pingas de aceite de oliva. Transcorrido este tempo, escorrémolo e refrescámolo, coa axuda dun coador, baixo a billa de auga fría. Nunha cazola, cocemos as follas de verza durante 10 minutos con auga fervendo e sal ata que estas estean brandas e manexables. Deixamos arrefriar as follas fóra da auga e untámolas de aceite de oliva virxe. Sobre cada folla estendemos o arroz cocido e sobre este a carne picada cociñada. Envolvemos coma se fose un rolo e deixamos arrefriar o preparado para que manteña a forma. No momento de servir, cun coitelo de serra, cortamos cada rolo en medallóns groso e quentámolos no microondas. E botamos un pouco de pementas variadas.

Consejo nutricional

A folla de verza é unha hortaliza que grazas á súa forma resulta moi apropiada para preparala deste xeito, en forma de roliño cun recheo. Pódese encher de practicamente calquera alimento que se desexe, se ben neste caso empregouse como ingrediente principal o arroz, boa fonte de hidratos de carbono complexos, que se acompaña de carne, que achega proteínas de boa calidade e graxa en proporción variable, dependerá da parte da tenreira que se empregue para facer a carne picada (no mostrador de carnizaría podemos pedir que nos piquen a peza que queiramos). O recheo complétase con cebola, cenoria e salsa de tomate, que xunto ás follas de verza, fan que este prato presente un bo contido de vitaminas e minerais. É unha receita bastante completa nutricionalmente falando, xa que aínda que sexa en cantidades que non chegan a unha ración, inclúe unha ampla variedade de alimentos: verduras, cereal (arroz) e carne.