Txitxirio erregosiak leka berdeekin

Bezperan txitxirioak beratzen jarriko ditugu ur epeletan eta gatz apur batekin. Hurrengo egunean beratzeko jarritako ura kenduko diegu txitxirioei. Lapiko batean ur garbia jarriko dugu berotzen eta, irakiten hasten denean, txitxirioak gehituko ditugu. Su geldoan egosiko ditugu ordubetez, eta ateratzen zaion aparra kentzen joango gara. Bien bitartean, azenarioa zuritu eta dadotxoetan moztuko dugu. Leka berdeei puntak kendu eta, zuritzaile baten laguntzaz, alboetako haria kendu eta zati ez oso handitan moztuko ditugu. Azkenik, tipula eta tomatea zuritu eta xehatuko ditugu. Baratxuri-alea zurituko dugu. Txitxirioek egosten lehen ordua pasatu ostean, azenarioa eta leka berdeak (gutxi batzuk gerorako gordeko ditugu) gehituko ditugu. Gatz apur bat gehitu eta txitxirioak su geldoan utziko ditugu. Olioa zartagin batean berotu eta baratxuri-alea frijituko dugu. Sutatik kendu eta baratxuri-alea aterako dugu. Olio horretan bertan, tipula frijituko dugu eta, urre kolorea hartu arte, piperrautsa gehituko dugu, azkar-azkar mugitu eta tomatea gehituko dugu. Olio-errea egin arte nahastuko dugu. Tipula eta tomatedun olio-errea gehituko dugu txitxirioetan. Gatza nahiko duen probatu eta gehiago botako diogu behar izanez gero. Zerbitzatzeko unean ur gazitan galdarraztatu, hoztu eta oliba-olioarekin ondutako leka berdeen tira batzuekin apainduko dugu.