Arraina zatitan moztu eta gatz apur batekin onduko dugu. Lurrun-erretiluaren beheko aldean jarriko dugu. Goiko aldean ganbak eta muskuiluak jarriko ditugu. Gerorako gordeko ditugu. Edalontzian botako ditugu tipula, baratxuriak, zatitutako piperrak, tomateak, martorri-adaxka, tomate-orea eta oliba-olioa, eta 5 minutuz arin frijituko dugu guztia, 120 ºC-tara eta 2. abiaduran. Jarraian, ura eta salda gehituko ditugu eta, nahi izanez gero, nahi dugun gatz puntua emango diogu. Lurrun-azpila edalontzi gainean jarriko dugu eta 30 minutuz Lurrun funtzioan kozinatzeko programatuko dugu. Lurrun-erretilua kendu eta neurtzeko edalontzia taparen gainean jarriko dugu. Minutu batez birrinduko dugu, 3. abiaduran hasita eta pixkanaka abiadura handituta 8. abiaduraraino iritsi arte. Gainerako muskuiluak, ganbak eta martorri xehatua gehituko ditugu eta 5 minutuz 100 °C-tara kozinatzeko programatuko dugu, Alderantzizko Biraketa moduan eta 1. abiaduran. Arraina ontzi batean jarri, zopa arrainaren gainean bota, eta martorri xehatua gehituko diogu. Krema berehala zerbitzatuko dugu. Aholkua: Ogi-txigorkiak osagarri ezin hobea dira zopa honetarako. Arrain- edo itsaski-saldak zapore handiagoa ematen dio arrain-zopari. Salda egiteko pastilla bakarra erabiltzen saia gaitezke, eta ondoren beharrezkoa bada gatz apur batekin doi ditzakegu ongailuak. Bi pastilla erabilita oso zapore bizia ematen zaio zopari. Oharra: Errezetan adierazitako kantitateak errespetatu behar dira, ontziaren edukiera gainditu gabe. Krema birrintzeko, pixkanaka doituko dugu abiadura eta segundo batzuk itxarongo ditugu tapa kendu aurretik, likidoa egonkortu dadin.