Bakailao-xaflak piper berdeak, tomateak eta arrautza poxatuarekin

Bakailaoa ur apur batekin irakiten jarriko dugu. Minutu baten buruan, bakailaoa atera, azala kendu eta azal hori eltzean sartuko dugu soja-saltsarekin, likidoa loditu arte. Ondoren, bakailao-xaflak banandu eta gordeko ditugu. Tipulina olio apur batekin salteatzen jarriko dugu. Gorritzen hasi orduko, tomate lehorrak (berridratatuak eta zatituak), piperra, baratxuria eta tomate freskoa gehituko dizkiogu. Azken unean, loditutako bakailao-salda erantsi eta prestakina gerorako gordeko dugu. Orduan, arrautzak egingo ditugu ur irakinetan, gatz eta ozpin apur batekin. Aurkezpen moduan, barazki erregosiak oinarri gisa jarriko ditugu eta gainean, arrautza poxatua eta bakailaoa. Platera tipulinarekin apainduko dugu eta, bukatzeko, zorrotadatxo bat olio eta ezkata-gatz apur bat botako diogu.