BORRAJEN GARBIKETA ETA EGOSKETA - Moztu borrajak zurtoin luzetan, hosto berdeak kenduta. Hosto horiek kremak edo bestelako prestaketak egiteko gorde ditzakegu. "Crespilloak" egin nahi izanez gero, gorde hosto txikiak. - Puntadun labana batekin, kendu orri-mamien alboetako hariak eta ebaki orri-mamiak erditik, muturretatik tira eginez, erdialdeko hariak ateratzeko. - Moztu 5 cm inguruko makilatxotan eta egosi ur gazi ugaritan 3 minutuz. Tarte hori igarotakoan, hoztu ur, izotz eta gatzarekin, testura eta kolorea kontserba ditzaten. Gorde egosketa-ur apur bat orri-mamiak leheneratu ahal izateko. - Birpasatu makilatxoak eta haririk geratu bada, kendu. Gorde ur eta izotzetan. Garbitzeko teknika honekin, edozein prestaketan erabiltzeko moduko borraja bikainak lortuko ditugu. PATATAZKO ETA OLIBA-OLIO BIRJINA ESTRAZKO APARRAREN PRESTAKETA - Puskatu eta egosi patatak 20 minutuz gatz apur batekin. - Xukatu eta sartu patatak sukaldeko robotean egosketa-uraren 75 cl-rekin, esnegainarekin eta gatz apur batekin. - Birrindu erabateko potentzian 1 minutuz eta hasi pixkanaka oliba-olio birjina estra eransten. - Pasatu lortutako orea iragazki fin batetik eta sartu sifoi batean. Itxi eta kargatu gasez. - Utzi jalkitzen 12 orduz hozkailuan. AMAIERA ETA AURKEZPENA - Jarri sifoia María bainutan 60 eta 70 gradu arteko tenperaturan ordu erdiz, aparra berotzeko. - Jarri borrajen egosketa-uraren parte bat 60-70 gradutan eta sartu borrajak bertan hainbat segundoz, tenperatura har dezaten. - Berotu platerak mikrouhin labean 1 minutuz. - Igurtzi platerak baratxuri-ale batekin. - Kokatu borraja-zurtoinak modu txukunean plateretan eta, horien gainetik, erantsi gatz-ezkata batzuk eta oliba-olio birjina estraren zurrutada bat. - Apaintzeko, loreak eta borrajen ernetutako kimuak jar ditzakegu. - Aurkeztu platerak modu horretan eta erantsi patata-apar beroa eta trufa birrindua mahaian bertan. TRESNAK - Barazkirako labanak eta puntadun labana - Mozteko ohola - Kazola handia - Ontzia - Sukaldeko robota edo irabiagailua - Iragazki fina - Sifoia