Errezeta hau plater osoa ere bada, barazkiak eta zerealak (kinoa) baititu, eta baita proteina osasungarriak ere, kinoari, fruitu lehorrei eta gaztari esker. Bazenekien... Kinoa eta brokolia okerreko moduan "superelikagai" deitu ohi diren horien barnean sartu izan dira. Hala ere, propietate interesgarriak dituzten arren, ez dira beste elikagai batzuetan aurkitzen direnen desberdinak: - Kinoa sasizereala da, eta proteina-ekarpen handia du, mantenugaien % 14 proteinak baitira. Hala, haragi askotatik hurbil dago kopuruetan. Gainera, elikagai begetala bada ere, kalitate handiko proteinak eta aminoazido esentzial guztiak ditu, animalia-jatorriko proteinek bezala. Zuntza, burdina, magnesioa eta azido folikoa ere baditu, eta ez dauka glutenik. Lekaleen antzeko ezaugarriak ditu, besteak beste. - Brokoliak, barazki eta ortuari guztien antzera, propietate interesgarriak ditu. Kasu honetan, zuntz, C eta A bitamina eta potasio ugari dauzka. Alabaina, bitamina horietako asko beroaren ondorioz suntsitzen dira. Amarrua. Ahalik eta bitamina eta mineral gehien mantentzeko, onena da barazkiak puntu-puntuan kozinatzea, soberako urik sortu gabe. Kasu honetan, adibidez, brokolia mikrouhin-labean egos daiteke. Horretarako, txorrotan busti, mikrouhin-laberako egokia den ontzi batean sartu, eta potentzia handienean berotuko dugu, 3-4 minutuz