Entsalada original nutritiboa da, osagaietatik hasi eta gozagarrietara arte. Nutrizio-alderdiak: multzo desberdinetako elikagai askotarikoak dituenez nutrizio-ekarpen handia du, horregatik ez da kezkagarria Nutrizio-semaforoan nutrienteak horiz agertzea, elikadura-iturriak oso osasungarriak direlako; intxaurren eta oliba-olioaren koipe kardio-osasungarria, gaztaren kalitate oneko proteinak, karbono-hidratoak -batez ere azukre forman, erremolatxak berez baitakar-, barazki eta intxaurren zuntza, eta bitamina eta mineralak, horietan nabarmen azido folikoa, A bitamina, C bitamina, kaltzioa eta burdina. Zereal, egoskari, haragi edo arrain plater bat osatzeko balio diezaguke.