Izokin- eta barazki-hanburgesak Birrindu tipulina eta kuiatxoa elikagaiak prozesatzeko gailu batean. Erantsi izokina (kubotan moztuta), patata egosia (zapalduta), ogi birrindua, arrautzaren zuringoa, perrexila (xehe-xehe moztuta), gatza eta piperbeltza, eta birrindu ore bat lortu arte. Egin 70 gramo inguruko bolak, eta ogi birrindu apur batekin lagunduta, eman hanburgesa itxura. Ore hau nahiko biguna da, beraz, beharrezkoa bada, ogi birrindu apur bat gehitu ahal zaio testura egokia har dezan. Baina apur bat soilik, hanburgesek urtsutasuna manten dezaten. Erre hanburgesak su ertainean, olio pitin batekin. Zerbitzatu letxuga-kimu batzuekin, xerratan moztutako edo erretako tomateekin eta berenjena-patata faltsuekin. Berenjenako patata faltsuak. Berotu labea 200 gradutan goitik eta behetik. Zuritu eta moztu berenjena hatz bateko lodiera duten makilatxoetan. Bernizatu makilatxoak oliba-olioarekin eta hautseztatu ogi birrindu apur bat haien gainetik. Sartu 15 minutuz labean, gorritzen diren arte. Atera labetik eta eman gatza. Cherry tomate erreak Jarri tomateak labeko erretilu batean, eman gatza eta piperbeltza, eta bota oliba-olio pitin bat eta oregano-hosto lehor batzuk haien gainetik. Sartu labean berenjena-patatekin 25 minutuz, tomateei azala ireki zaiela eta zertxobait zimurtu direla ikusi arte. Nahastu jogurta eta tomate-saltsa eta zerbitzatu lagungarri gisa Aholkuak: Patata frijitu faltsuak eta tomate erreak aukera ezin hobea dira patata frijituak eta ketchupa ordezkatzeko. Tomateek gozotasuna eta zapore handia ematen dute eta beraz, izugarri gustatuko zaizkie haurrei Hanburgesak prestatu eta gero, ahalik eta lasterren erre edo hozkailuan sartu behar dira (egun berean erretzeko). Bestela, izoztu ere egin daitezke.