Oilaskoa l’ast eran prestatzeko: Izterrak gatz-piperrez ondu eta laberako erretilu batean jarri. Ondoren, barazkiak garbitu, zati erregularretan moztu eta erretilura gehitu. Ardoa eta ura gehitu eta 200 gradutara labekatu 30 minutuz. Haragia apurtu eta gerorako gorde. Zukua iragazi eta gerorako gorde. Farsa egiteko: Kazo batean gurina, irina eta oilasko-zukua ipini, 5 minutuz irakiten jarri eta haragia gehitu. Orduan, dena batera 3 minutuz sutan utzi. Bexamela egiteko: Kazo batean gurina urtu, irina gehitu eta 3 minutuz su txikitan utzi hagaxkekin nahastuz. Jarraian esnea gehitu eta 15 minutuz sutan utzi hagaxkekin eraginez.   Kaneloiak betetzeko: Pasta fabrikatzaileak adierazi bezala tratatu eta gero, foie dado gordinak farsarekin nahastu, kaneloiak bete eta bexamel saltsa eta gazta arraspatuz estali. Amaitzeko eta aurkezteko Kaneloiak 200 gradutan labekatu ondo gratinatu arte. Zerbitzatu eta dastatu.