Tajinea Marokoko sukaldaritzan ohikoa den gisatu mota bat da. Prestatzeko erabiltzen den ontzitik datorkio izena. Estalki konikoa duen buztinezko kazola bat. Su motelean egosteak eta tapa konikoa izateak urtsu bihurtzen dute jakia, sortzen duen ur-lurrun guztia bildu eta gisatura itzultzen duelako. Gainera, mineral-edukia gordetzen du. Gisatu hori burdinazko edo buztinezko kazola batean ere presta daiteke, baina estalkiarekin. Prestaketa hori moldatu egin dezakegu eta, barazkiak eta patata edo kuskusa gehituta, plater bakar oso eta orekatua bihurtu. Gatza bukaeran gehitu diezaiokegu, izan ere, baliteke beharrik ez izatea olibek eta saldak ere gatza dutelako. Gatz gutxiko olibak eta salda ere erabil daitezke. Limoiak oso ondo garbitu, azal eta guzti erabiliko baititugu.