Jarri labea berotzen, 170 gradutan. Oilaskoa gatzaz eta piperraz ondu. Zuritu azenarioak, tipula gorriak eta tipulin frantziarrak. Moztu azenarioak xerra loditan eta tipula gorriak lau zatitan. Labana batekin, zapaldu baratxuri-aleak, zuritu gabe. Kazola batean olioa jarri eta su ertainean, gorritu oilaskoa alde guztietatik, urre-kolorea hartu arte. Atera eta gorde geroko. Bota irina kazolara eta 2 minutuz sutan utzi, behin eta berriro eraginez, etenik gabe. Erantsi ardo zuria, oilasko-salda eta usain-belar sorta eta itxaron irakin arte. Oilaskoa berriz kazolan sartu, estali eta labean sartu ordubetez. Denbora igarotzen denean, gehitu barazkiak eta dena busti egosaldian sortutako zukuarekin. Kazola berriz estali eta labean sartu 45 minutuz, edo barazkiak samurtu arte. Atera kazola labetik, 10 minutuz egonean utzi eta azkenik, perrexil txikitua bota.