Marinatuek modu ezin hobea eskaintzen dute platerei zaporea emateko eta aldi berean, gatz-kopurua murrizteko. Hautatutako espezieen arabera, hainbat eratan presta daitezke eta haragi, arrain edo barazkiekin erabiltzen dira.  Proposatutako oilasko-errezeta hau barazkiekin, bihi osoko zerealekin, eta abar, osa dezakegu. Nutrizio-propietateak: nutrizio-ekarpena oilaskoak eta oliba olio birjinak egiten dute, oso espezia kopuru txikia erabiltzen baita. Kalitate altuko proteina kopurua nabarmentzen da, bai eta koipe kardio-osasungarriak (batez ere, olioaren azido oleikoa), B multzoko bitaminak, fosforoa, E bitamina eta oliba olioaren polifenol edukia.