Eroski

Arroz eta haragi xehatuz betetako aza-bilkariak

Name: Arroz eta haragi xehatuz betetako aza-bilkariak
Total time: 25 min
Yield: 4
Ingredients: 100 g aza; 100 g arroz; 20 ml oliba-olio; 200 g txahal-haragi xehatu; 1 tipula; 1 azenario; 2 baratxuri-ale; 100 ml ardo zuri; 100 ml tomate frijitu; Perrexila; Piperbeltz beltza; Gatz pixka bat

0 View visita

Dificultad: Dificultad media
Tiempo: 30 minututik ordubetera

Descargar

kcal: 254 13%

Azúcares: 3,3g 4%

Grasas: 10g 14%

Grasas saturadas: 3g 17%

Sal: 1g 18%

1 de 5 estrellas. Basado en 1 valoraciones

Modo de preparación

Eltze batean, olioa berotuko dugu. Azenarioa eta tipula botako ditugu, eta 10-12 minutuz salteatu, biguntzen diren arte. Haragi xehatua erantsiko diogu barazkien nahasteari, eta gatz pixka bat botako diogu gainetik. Salteatu, haragiak kolore pixka bat hartzen duen arte. Tomate-saltsa eta ardoa erantsiko ditugu. Nahastea 2 minutuz kozinatuko dugu gutxi gorabehera, saltsa lodia egin arte. Ongi onduta dagoen egiaztatuko dugu, zuzendu hala beharrezkoa balitz, eta gerorako gorde. Arroza egosiko dugu 20 minutuz, ur irakinetan, gatzarekin eta oliba-olio tanta batzuekin. Denbora hori igarota, xukatu eta freskatuko dugu, iragazkia erabiliz eta txorrota azpian, ur hotzarekin. Eltze batean, aza-orriak 10 minutuz egosiko ditugu, ur irakinetan eta gatzarekin, bigun eta maneiagarri dauden arte. Orriak uretik kanpo hozten utziko ditugu, eta oliba-olio birjinarekin igurtzi. Orri bakoitzaren gainean, arroz egosia jarriko dugu, eta horren gainean, prestatu dugun haragi xehatua. Zilindro baten modura bilduko ditugu, eta hozten utziko dugu forma manten dezaten. Zerbitzatzeko unean, medailoi loditan moztu ditugu bilkariak, aizto horzdun batekin, eta mikrouhin-labean berotu. Piperbeltzarekin hautseztatuko ditugu.

Consejo nutricional

Azaren orrien formarengatik, oso barazki egokia da modu horretara, hau da, betegarria duten bilkarietan, prestatzeko. Nahi dugun ia edozer jakirekin bete daiteke, nahiz eta kasu honetan arroza erabili dugun osagai nagusitzat. Karbohidrato konplexuen iturri bikaina da, eta haragiarekin batera, kalitate oneko proteinak ekartzen dizkio errezetari. Koipe kopurua haragi xehatua egiteko erabiltzen den txahalaren araberakoa izango da (harategiko salmahaian nahi dugun pieza xehatzeko eskatu ahal diegu saltzaileei). Betegarria tipula, azenario eta tomate-saltsarekin osatzen da, eta aza-orriekin batera, platerari bitamina eta mineral kopuru handia eransten dizkiote. Hala, errezeta nahiko osoa da nutrizioaren aldetik. Izan ere, kopuruak anoa batera iristen ez diren arren, elikagai mota asko barne hartzen ditu: barazkiak, zereala (arroza) eta haragia.