Barazki laranjen edalontzia gazta freskoarekin

Azenarioa, kuia eta batata zuritu, kubotan moztu, eta gorde egingo ditugu. Tipula, baratxuri atalak eta porrua garbitu, juliana eran moztu (xerra mehetan), eta oliba-olio beroa duen eltze batean erregosiko ditugu. Eginda daudenean azenarioa, kuia eta batata gehituko ditugu, guztia su eztian frijituko dugu, eta urarekin estaliko dugu. Guztia su ertainean egiten utziko dugu, 40 minutuz-edo eltzekoan. Barazkia prest dagoenean, irabiagailuarekin birrinduko dugu. Gatz puntua eman eta oliba-olio koilaratxokada botako diogu; dena nahastu, eta barazki-krema homogeneizatuko dugu. Gazta freskoa ongi irabiatuko dugu (jadanik irabiatutako gazta freskoa eros dezakegu zuzenean) oliba-olio birjinarekin eta piperbeltz eho berri apur batekin. Edalontzi bakoitzaren hondoan gazta-kremaren koilaratxokada batzuk jarriko ditugu, gainean barazki laranjen krema isuriko dugu, eta azkentzeko tipula frijitu birrindu apur bat botako diogu gainetik.