Bexamel-saltsa

Bexamela pikorrik gabe egiteko, lehenik "roux" delakoa prestatu behar dugu. Gurina deseginda dagoela, irin guztia batera bota, eta kozinatuko dugu, txigortzen utzi gabe eta etengabe eraginez. Gurina ongi eginda dagoenean eta ahi homogeneoa eratu duenean, sutik kenduko dugu, hoztu edo epeltzen den arte. Aldi berean, esnea tenperatura handitan berotuko dugu, batez ere saltsa kopuru handia egin behar dugunean. Behin esnea oso bero dagoenean, "roux" gainera botako dugu parte bat, oraindik sutik kanpo dagoela. Ondo disolbatuko dugu, esne beroaren parte txiki horrekin (beroak lodiera ematen dio) eta egurrezko hagaxka eta koilara batekin, ore fina egin arte. Une horretan, eltzea sutan jarriko dugu berriz, eta gainontzeko esne beroa pixkanaka botatzen joango gara, eragiteari utzi gabe, irakiten hasten den arte. Hiru eta bost minutu artean irakiten utziko diogu. Horrela, pikorrik gabe lodituko da. Gatza, piperbeltza eta intxaur muskatua norberaren gustura botako dizkiogu.