Ensalada de soia, albaricoques, uvas e millo sobre follas de eiruga

Este tipo de ensaladas son unha opción excelente para consumir legumes no verán, e ademais podemos tomala como prato único ao incorporar froitas (coma neste caso) e/ou verduras ao mesmo tempo, sen necesidade de incluír un segundo prato de carne ou peixe. A soia, como legume que é, é un alimento moi completo e nutritivo, contén unha boa cantidade de proteínas e hidratos de carbono, ademais de fibra, vitaminas e minerais. O seu elevado contido en proteínas, superior ao da carne, fai da soia unha fonte proteica vexetal de grande interese nutricional. As froitas que se engaden van achegar máis fibra, vitaminas e minerais, e aínda que acheguen azucre, hai que lembrar que o azucre (frutosa) contido de forma natural na froita non ten os prexuízos do azucre engadido nos alimentos procesados, debido ao resto de nutrientes (fibra, fitoquímicos...) que acompaña á frutosa nas froitas. Unha boa receita que ademais aproveita de forma orixinal a froita fresca de tempada de verán.