Infusión de té vermello con cardamomo

O té, despois da auga, é a segunda bebida máis consumida do planeta. Este té é dos máis peculiares polo seu sabor terroso e a súa cor. É unha boa alternativa á auga para hidratarnos, en inverno ou en verán tomándoo en frío, sobre todo para esas persoas ás que lles custa beber auga, que non lles gusta. Iso si, sen engadir azucre nin mel, porque de ser así xa estariamos falando doutra cousa, asemellaríase máis a un refresco azucrado que á auga, xa que se lle estaría a engadir azucres simples e calorías.