Garbitu, zuritu eta xehatu barazkiak oso fin. Berotu olio pixka bat kazola batean, erantsi xehatutako tipula eta sueztitu. Ondoren, bota piper berdea, azenarioa eta baratxuri-alea. Utzi egosten 15 minutuz. Jarraian, gehitu tomate xehatua eta utzi sueztitzen saltsa loditu arte eta olio errean integratu arte. Gehitu haragi xehatua eta eragin kozinatuta egon arte. Bota gatza. Sutik kendu, gehitu gazta arraspatua eta ondo eragin behar bezala integratu arte. Ondoren, erantsi ziazerbak eta jarraitu eragiten nahasketak tenperatura pixka bat har dezan. Azkenik, utzi iragazki batean gehiegizko koipea xukatzeko. Jarri labea 180 ºC-tan berotzen. Atera brik pastaren olata bat, jarri nahasketaren parte bat erdian eta lotu muturrak zakutxo formarekin geratu dadin. Gero, egin korapilo txiki bat tipulinarekin (tipulinaren hostoa bigunagoa izan dadin, berotu mikro-uhin labean 5 segundoz). Jarri zakutxoak laberako erretilu batean eta gorritu minutu batzuez. Bero zerbitzatu.