Disolbatu legamia freskoa eta azukrea ur epelean.   Jarri irina eta gatza katilu zabal batean eta nahastu aldez aurretik prestatutako ur epela pixkanaka eransten duzun bitartean. Oratu nahasketa poliki-poliki, masa leun eta malgu bat lortu arte. Orduan, gehitu usain-belarrak eta berriz oratu. Oihal batekin estali eta 3 orduz jalkitzen utzi  Koipeztatu erretilu errektangular bat oliba olio apur batekin eta zabaldu orea haren gainetik. Bertan jalkitzen utzi beste 30 minutuz. Egin zulo batzuk orearen gainazal guztian zehar.   Nahastu gatzunaren osagai guztiak eta banatu focacciaren gainetik. Estali berriz eta utzi jalkitzen 45 minutuz.   Berotu labea 200 gradutan eta laberatu focaccia 20 minutuz, urre-kolore pixka bat hartu arte.   Atera labetik, zipriztindu oliba olio birijina estrarekin eta zerbitzatu.