Antxoak labean piper gorriekin

Baratxuriak xerratu, perrexila xehatu, pipermina ebaki eta antxoak garbituko ditugu, erdiko eta alboko hezurrak kenduz eta isatsa utziz. Labeko erretilua aluminiozko paperarekin estaliko dugu. Oinarrian piper gorri erreak jarriko ditugu. Gainean baratxuri-xerrak jarriko ditugu, eta ukitu pikantea eman nahi badiogu pipermin ebakia gehituko diogu. Antxoak jarriko ditugu. Gatz pixka bat bota, eta oliba-olio birjina estrarekin olioztatuko dugu. Aluminiozko paperarekin estali eta itxiko dugu. Labea aurrez berotu, eta 180ºC-an egingo ditugu 10-15 minutuz (denbora labearen eta antxoen tamainaren araberakoa da, 10 minutura aluminiozko papera ireki daiteke eginda dauden ikusteko) Platerean, lehenbizi piper gorriak jarriko ditugu oinarrian, baratxuriekin batera, eta gainean antxoak gora begira eta behera begira, txandaka. Perrexilarekin hautseztatu, eta amaitzeko oliba-olio birjina estraren zurrustatxo bat botako diogu.