Eroski

Ensalada morna de lentellas

Name: Ensalada morna de lentellas
Total time: 25 min
Yield: 4
Ingredients: 200 g de lentellas; 50 g de ceboliña vermella con talos verdes; 50 g de pemento verde; 50 g de pemento vermello asado; 50 g de cabaciña; 2 dentes de allo; 100 g de brotes de leitugas variadas; 60 g de noces peladas; 100 g de queixo cremoso; 30 ml de aceite de oliva; 10 ml de vinagre balsámico; Un chisco de sal; Uns talos de ceboliño fresco

2928 visitas

Dificultad: Dificultad
Tiempo

Descargar

kcal: 370 19%

Azúcares: 4,3g 5%

Grasas: 17g 25%

Grasas saturadas: 2g 12%

Sal: 0,4g 7%

2 de 5 estrellas. Basado en 1 valoraciones

Modo de preparación

Poñemos as lentellas nunha cazola e cubrimos con auga. Engadimos a parte máis verde da ceboliña (reservando o resto), un par de dentes de allo, un chorriño de aceite de oliva e o sal. Poñemos a lume medio para que se cociñe cun fervor suave durante unhas dúas horas. Unha vez cocidas as lentellas, deixámolas arrefriar e escorrémolas cun coador (o caldo das lentellas podemos tomalo tal cal, como aperitivo). Se non temos moito tempo tamén podemos utilizar para a ensalada morna unhas lentellas cocidas en conserva, lavadas lixeiramente e escorridas. Nunha tixola cunhas culleradas de aceite de oliva salteamos unha ceboliña vermella cortada en finas láminas, os pementos verdes, tamén cortados en tiras, os pementos vermellos asados en tiras e uns anaquiños de cabaciña cortados en cadrados pequenos. Unha vez salteada a verdura, apartámola do lume e aliñámola cun par de culleradas de vinagre balsámico. Preparamos unha base de leitugas variadas e sobre elas colocamos as lentellas mesturadas coas verduras salteadas e aliñadas. Por encima agregamos uns anaquiños de noces, esparexemos con ceboliño cortado e un pouco de queixo cremoso. Lista a ensalada morna!

Consejo nutricional

As lentellas presentan unha elevada concentración de nutrientes: son unha gran fonte de proteínas e hidratos de carbono, o que nos proporciona moita enerxía; son ricas en fibra e baixas en graxa; destacan pola presenza de vitaminas A, B1, B2, B3, B6, C e E, ademais de potasio, fósforo, calcio, ferro, magnesio e sodio. O uso de vexetais como o pemento, a cebola, o allo, a cabaciña e a leituga suman importantes cantidades de fibra, ferro, calcio, magnesio, potasio e fósforo. Pola súa banda, o queixo cremoso achega grandes cantidades de fósforo e vitaminas A, E e D. En resumo, unha receita moi completa e cargada de nutrientes.