Espeto de lagostinos e piña

Pelamos os lagostinos en cru, ensartamos nun espeto, xunto cuns dadiños de piña limpa e cortada en anacos regulares do mesmo tamaño que os lagostinos. Cun pincel de cociña engraxamos lixeiramente os espetos con aceite de oliva virxe aromatizado con limón e colocámolos nunha tixola ou prancha a lume forte durante 2 minutos. Dámoslle a volta, de maneira que se cociñen por ambos os dous lados, salgando á vez que se cociña a superficie. Tamén podemos cociñar os espetos se os introducimos no forno a 200ºC durante 10 minutos. Unha vez cociñados sacámolos da prancha ou do forno e aliñamos con sal groso, pemento en po e aceite de oliva virxe. Podemos acompañar de salsas derivadas da maonesa, como salsa de maonesa con wasabi, con curry, ou salsas derivadas do iogur.