Jogurt eta fruta fresko irabiakia fruitu lehorrekin

Jogurtaz gain, udarea, banana eta laranja dira irabiaki freskagarri honen osagai nagusiak, eta, hortaz, bitamina-iturri handia da (A pro-bitamina, azido folikoa eta c bitamina, besteak beste) eta mineralak ere baditu. Jogurtak kalitate handiko proteinak, kaltzioa eta B taldeko bitaminak eta A eta D bitamina lipodisolbagarriak eransten dizkio, eta hurrek nutrizio-balioa handitzen dute, koipe kardio-osasungarri ugari dituztelako. Fruta idortuak kontsumitzea estrategia ona da azukrea gehitzea ekiditeko, nahiz eta frutak berez zapore gozoa duten jakiak izan. Errezeta hau adin guztietarako egokia da, eta batez ere fruten eta fruitu lehorren kontsumoa sustatzeko bikaina da, osasunerako onuragarriak diren elikagai horien gomendatutako anoak hartzea kostatzen zaienen kasuan. Azkenbururako, gosariko edo eguneko edozein unetarako mokadu bezala erabil daiteke errezeta hau.