Picado de iogur e uvas con caramelo de cava e tomiño
- 0 View visita
- Dificultad
- Dificultad baja
- Tiempo
- Máis de 2 horas
- kcal
- 216 11%
- Azúcares
- 23g 26%
- Grasas
- 11g 15%
- Grasas saturadas
- 5g 24%
- Sal
- 0,1g 1%
Modo de preparación
Quéntase o leite coa metade do azucre. Unha vez que ferveu, déixase arrefriar. Nun recipiente aparte, bátese o iogur coa nata líquida e as xemas de ovo. Lentamente, vaise agregando o leite morno con azucre (debe estar xa case frío) ata que quede unha mestura homoxénea. A mestura pásase a un recipiente resistente e conxélase durante 5 horas. Unha vez semi-conxelado, con axuda dunha culler ou garfo, machúcase para sacar anacos irregulares tipo xeo picado. Tamén se pode introducir nun batedor para que adquira a textura xeada do picado.
Sérvese nunha copiñas cunha base que preparamos de uvas brancas peladas e sen pebidas, cocidas a lume suave durante 15 minutos nun cazo co resto do azucre, unha ramiña de tomiño e o cava, ata que se caramelicen lixeiramente. Para rematar, decórase o conxunto cunhas ramiñas de tomiño.
Resulta unha sobremesa de Nadal para adultos do máis saborosa e vistosa, baseada na froita destas datas por excelencia, a uva. Contén en maior medida lácteos (iogur, leite, nata) e froita (uvas), o que lle vai achegar á receita as proteínas dos lácteos, azucre (naturalmente presentes nos lácteos e nas uvas), minerais e vitaminas (sobre todo calcio dos lácteos) e unha cantidade de graxas non moi alta que provén da nata (aínda que se usa moi pouca cantidade). Boa alternativa ás habituais sobremesas doces do Nadal.
Ingredientes (4 personas)
- 300 g de iogur natural
- 60 ml de leite enteiro
- 60 ml de nata para montar
- 40 g de azucre
- 2 xemas de ovo
- 200 g de uvas
- 30 ml de cava
- Unha ramiña de tomiño
sReceta online en:
