Eroski

Pizza integral con xamón cocido e alcachofas

Name: Pizza integral con xamón cocido e alcachofas
Total time: 25 min
Yield: 4
Ingredients: 200 g de fariña integral; 150 ml de auga; 10 ml de aceite de oliva virxe extra; Uns 10 g de lévedo de panadaría (2 sobres); 60 g de tomate frito; 8 alcachofas en conserva; 200 g de xamón cocido; 50 g de cebola; 60 g de queixo para fundir especial de pizzas

Segundo prato
0 View visita

Dificultad: Dificultad media
Tiempo: De 1 a 2 horas

Descargar

kcal: 298 15%

Azúcares: 4,6g 5%

Grasas: 10g 14%

Grasas saturadas: 3g 15%

Sal: 1g 13%

1 de 5 estrellas. Basado en 1 valoraciones

Modo de preparación

Para elaborar a masa de pizza primeiro mesturamos o sal coa fariña. Por outro lado, disolvemos o lévedo na auga morna (40-45ºC) coa cullerada de aceite de oliva virxe extra. A continuación, nun recipiente tipo ensaladeira ou nun bol grande, engadimos a fariña integral e pouco a pouco a auga morna ata formar unha masa consistente e elástica que non se pegue. Unha vez formada a masa, dámoslle forma de bóla e deixámola repousar tapada cun pano húmido ata que duplique o seu tamaño máis ou menos. Amasamos de novo a bóla e vámola estendendo pouco a pouco dándolle forma de prato grande de aproximadamente un centímetro de grosor. Colocámola sobre unha base metálica untada de aceite para que non pegue e enfornamos durante 10 minutos a 200ºC. Unha vez cociñada lixeiramente a masa de pizza, sacámola do forno e colocamos unha base de tomate frito sobre ela. Engadimos a cebola cortada diminuta, o xamón cocido cortado en dados pequenos ou tiras, e as alcachofas escorridas da conserva e cortada en metades. Decoramos a pizza con queixo relado e cociñámola durante 15 minutos no forno prequentado a 200ºC.

Consejo nutricional

As pizzas caseiras son un bo prato para elaborar en familia, facilita a participación dos máis pequenos na súa elaboración e así familiarizarse co saudable hábito de cociñar; poden mesturar, amasar, botar o tomate e os ingredientes sobre a pizza... Neste caso ademais promove o consumo de alimentos saudables, xa que se fai a masa integral e os ingredientes maioritarios son vexetais: salsa de tomate, cebola e alcachofas. Estas últimas non adoitan gustar entre os máis pequenos, e quizais tomalas deste xeito facilite a súa incorporación na dieta. A masa da pizza vai achegar carbohidratos complexos, e ao empregar fariña integral terá maior contido en fibra, proteínas e minerais que se usásemos fariña refinada; os vexetais son boa fonte de diferentes vitaminas, minerais e substancias con acción antioxidante, moi beneficiosas para a saúde. O xamón cocido é a achega proteica da receita xunto co queixo, coa vantaxe de que apenas ten graxa. Seguramente non faga falta que engadamos sal porque varios dos ingredientes xa conteñen bastante, o xamón cocido, o queixo e o tomate frito e as alcachofas, se son en conserva; ademais, o aceite de oliva virxe extra, as alcachofas, e o queixo, son ingredientes cun sabor moi marcado.