Gerezi- edo pikota-gazpatxoa

Gazpatxoa osasuna zaintzeko modu erakargarri eta freskoa da tenperatura igotzen hasten denean, eta entsaladez gain, egunero gomendatzen den barazki gordin kopurua jateko, horrela propietate guztiak mantentzen dituztelako; besteak beste C bitamina, berotan zati handi bat suntsitzen baita. Errezeta hau nahikoa originala da, betiko gazpatxoaren aldaera bat delako, halako plater osasuntsu bat aldatzeko ideia ona izanik. Errezeta honek dituen bitaminen artean C bitamina, betakarotenoak eta folatoa nabarmentzen dira. Lehen biek propietate antioxidatzaileak dituzte, minbizitik eta gaixotasun kardiobaskularretatik babesteko ezaugarriak dituzte esan ohi da, eta gorputzeko hainbat prozesutan ere esku hartzen dute. Folatoak ezinbestekoak dira haurdunaldian, harreman estua baitago haren gabeziaren eta fetuaren hodi neuraleko akatsen artean (adibidez, arantza bifidoa). Barazkiak eta frutak bezalako zuntz askoko elikagaien kontsumoak idorreria, diabetea, gizentasuna eta koloneko eta esteetako minbizia bezalako gaixotasunak ekiditen laguntzen du.