Eroski

Salmonetes e verduras asadas en papillota

Name: Salmonetes e verduras asadas en papillota
Total time: 25 min
Yield: 4
Ingredients: 800 g de salmonetes; 100 g de feixóns verdes; 100 g de cogomelos; 100 g de cenoria; 100 g de puntas de espárragos verdes; 40 ml de aceite de oliva; Pementa de cinco bagas; Un chisco de sal

0 View visita

Dificultad: Dificultad baja
Tiempo: De 30 minutos a 1 hora

Descargar

kcal: 160 8%

Azúcares: 2,9g 3%

Grasas: 5,7g 8%

Grasas saturadas: 1,6g 8%

Sal: 0,5g 9%

1 de 5 estrellas. Basado en 1 valoraciones

Modo de preparación

Limpamos os salmonetes de escamas e tripas . Limpamos e cortamos en tiras todas as verduras e introducímolas todas xuntas nun cazo coa auga xusta para que as cubra e levámolas á ebulición. Unha vez que as verduras ferveran, sacámolas do lume e escorrémolas. Preparamos catro papeis de forno e, por riba deles, colocamos as verduras e en cada paquete un ou dous salmonetes (segundo os seu tamaño). Poñemos unha culler de aceite de oliva sobre cada salmonete, pementa de 5 bagas e un belisco de sal. Cerramos o papel de forno sobre si mesmo con dobreces, ata que faga un paquete, pero con espazo dentro para que poida inchar. Se o facemos no microondas, temos que asegurarnos de que o papel sexa apto para este electrodoméstico, posto que, se usamos papel de aluminio, este non se pode meter en todos os microondas. Neste aparato cociñamos o prato a potencia máxima en cinco minutos. Deixamos repousar dous minutos e servimos nun prato sobre o mesmo paquete, unha vez que retiramos cun coitelo a parte de riba do papel.

Consejo nutricional

O salmonete é un peixe semigraxo (3,7 g de lípidos por 100 g de porción comestible) que supón unha boa achega de ácidos graxos poliinsaturados omega 3 á dieta. Ten un contido moderado de proteínas de alto valor biolóxico. O contido en minerais segue a seguinte secuencia: moi alto no caso do selenio, alto no fósforo, moderado no potasio e leve no caso de magnesio e ferro. Neste caso, o contido en iodo duplica as inxestións recomendadas deste mineral para a poboación de estudo. A vitamina presente en maior proporción na carne de salmonete é a vitamina B12, seguida da B6 e a B3 ou niacina. Por debaixo destas están as achegas de tiamina (B1) e riboflavina (B2). Respecto ás vitaminas liposolubles, é salientable a achega de vitamina D. O acompañamento de verduras resulta perfecto, achegando ao prato as vitaminas e minerais propios deste grupo de alimentos, ademais da fibra.