Garavanzos estufados con xudías verdes

Poñemos a noite anterior os garavanzos a remollo en auga morna cun pouco de sal. Ao día seguinte deslavamos os garavanzos da auga de remollo. Nunha cazola poñemos auga limpa a quentar ao lume e, cando comece a ferver, engadimos os garavanzos. Cocemos a lume lento durante unha hora quitando a escuma que saia do cocido. Mentres tanto, pelamos a cenoria e cortámola en dados. Quitamos as puntas das xudías verdes, con axuda dun pelador, quitamos as febras laterais e partímolas en anacos non moi grandes. Pelamos e picamos finamente a cebola e o tomate. Pelamos o dente de allo. Pasada a primeira hora de cocción dos garavanzos, engadimos a cenoria, e as xudías verdes (reservamos unhas poucas). Poñemos un pouco de sal e seguimos mantendo os garavanzos a lume lento. Quentamos o aceite nunha tixola ao lume e fritimos o dente de allo. Sacamos e retiramos o dente de allo. Nese mesmo aceite sofritimos a cebola e, cando comece a dourarse, engadimos o pemento, removemos rapidamente, e agregamos o tomate. Refogamos ata que estea feito o sofrito. Incorporamos o sofrito de cebola e tomate aos garavanzos. Probamos o punto de sal e rectificamos se fose necesario. No momento de servir decoramos cunhas tiras de vaíñas escaldadas en un pouco de auga con sal, refrescadas e aliñadas con aceite de oliva.